Përfaqësuesja e lartë e BE-së, Federica Mogherini, ka mbërritur sot në Maqedoni ku ka pasur një axhendë të ngjeshur me takime me liderat politik. Fill pas takimit me Mogherinin, kryetari i LSDM-së ka deklaruar se pret nga presidenti i vendit të korigjojë vendimin e tij. “Vizita e përfaqësueses Mogherini paraqet mbështetje serioze për perspektivat tona evropiane. Jemi të gëzuar që mbështetja vazhdon. Biseduam për takimet në Këshillin e Ministrave dhe më pas edhe Komisionit Evropian”, tha Zoran Zaev.
67 nënshkrimet janë bazë normale për dhënien e mandatit, tha po ashtu Zaev, duke shtuar se Bashkimi Evropian pret që nëse pas formimit të Qeverisë zbatohen reformat do të ketë bazë të mirë të shpejtojë procesin integrues. Zaev tha se pret që Ivanov të korrigjojë vendimin e tij, duke theksuar se 67 mandatet janë 700 mijë vota dhe këto nuk mund të injorohen. “Kriza politike patjetër të zgjidhet në përputhje me kushtetutën dhe ligjet. Edhe një herë përsëris dhënia e mandatit nuk nënkupton formim Qeverie, por është rruga drejt formimit të Qeverisë. I shikojmë gjitha opsionet, por lëvizim në drejtim të respektimit të fazave të logjikshme dhe ligjore dhe mos ti japim askujt shkak që të bëjë çmenduri dhe budallallëqe”, tha Zaev.
